احرج الي بعدك بسؤال

السلام عليكم
شونكم شباب وصبايا
اخباركم ان شاءالله بخير
اليوم جبتلكم موضوع حلو وهو ان تحرج الشخص اللي بعدك بسؤال
وان شاءالله يعجبكم الموضوع

مع ارق التحيات

واني راح ابدي بأول سؤال

كم مره حبيت\ي؟

حبيت كثير
حبيت امي وابي واخي واختي وخالي وخالتي وعمي وعمتي و...........................................

يسلمو دنيا ع الموضوع

من هو اكثر شخص تفكر فيه؟

ماكو اي شخص
الي بعدي
تحب تسمع اغاني ؟

مو دائما
............
........
....
..

مارأيك في صاحب الموضوع بصراحه ؟

السلام عليكم ....
اولا شكرا لصاحبة الموضوع بصراحه فكره لا بأس بها ... شكرا لجهودك
ثانيا وبخصوص السؤال الموجه الي اني بصراحه اتمنيت يكون سؤال مو بهاي الطريقه
لانو اني ما متواجد اهنا هوايه علمود اقيم الاخت ..
بس عموما .. الظاهر انو الها مشاركات هوايه ومهتمه بالمنتدى ومتابعه
وشكرا لجهودها ..
سؤالي للشخص اللي يجي بعدي ...
شنو اصعب موقف واجهته وما كنت متوقعه ..؟؟ وشلون كانت ردة فعلك .. ؟؟

دمتم بود
وشكرا على الفكره الرائعه

شنو اصعب موقف واجهته وما كنت متوقعه ..؟؟ وشلون كانت ردة فعلك .. ؟؟
اصب موقف وماجنت متوقعته بحياتي هو وفاة ابويه الله يرحمه
وكانت ردت فعلي يعني ماجنت مصدكه انو ابوي يروح مني بس كل قدر والحمد لله صبرت على هذا القدر
والله يرحمه ويسكن اعلى جناته اميييين يارب
الي بعدي
شنو موقفك او موقفج من شخص يكلج احبج او احبك ؟؟؟؟

الله يرحمه ويجعل مثواه الجنه والله يعينج على بلاء الدنيا
موقفي كلش عادي أصلآ اضحك لأن صارت هذي الكلمه من ارخص العملات المتداوله
وكل لحضه تسمعها هنا وهناك
بعد ماالها جوهر صادق ماتحمل كل معاني الحب ولأخلاص
الحب صار سلم للوصول الى غايتآ ما
الحب مدرسه يتعلم منها الكبار الحب ليست كلمه بل بحار من المشاعر المتدفقه
ثمارها المستقبل وقوامها الاعمال والاخلاص
تحياتي الج
الي بعدي
شلون تحس الدنيه وياك ضايكه عليك

اخ حيدر بخصوص الحب مو ارخص العملات ولا ممكن تكون هشكل الحب اساس الوجود ما يصير ما يكون الها جوهر صادق
كل انسان عنده عقل وكل انسان يختلف عن غيره بعقله وحبه
العقل وجوده حتى نميز الحب الصادق من حب الكلام فقط
والحب الي يكون سلم للوصول مثل ما تكول هذا مو حب فيعني لا تكول حب

بخصوص الي احسه وكت تضيك الدنيا عليه
صح الانسان يضوج يقل الصبر عنده بس لازم يكون موجود العقل بوقتها وما تضيك الا تفرج واقول الحمدلله على كل حال

وهسه شنو موقفك يا حيدر وانت تكول للي تحبه احبك وبداخله كلامك الي كلته عن الحب بهذه الحاله ما الها اي نفع كلمة الحب الي وجهته

تحياتي

اخ حيد ممكن تجاوب على سؤال الاخت زهره
تحياتي

زهرة الصباح كتب:: اخ حيدر بخصوص الحب مو ارخص العملات ولا ممكن تكون هشكل الحب اساس الوجود ما يصير ما يكون الها جوهر صادق
كل انسان عنده عقل وكل انسان يختلف عن غيره بعقله وحبه
العقل وجوده حتى نميز الحب الصادق من حب الكلام فقط
والحب الي يكون سلم للوصول مثل ما تكول هذا مو حب فيعني لا تكول حب

بخصوص الي احسه وكت تضيك الدنيا عليه
صح الانسان يضوج يقل الصبر عنده بس لازم يكون موجود العقل بوقتها وما تضيك الا تفرج واقول الحمدلله على كل حال

وهسه شنو موقفك يا حيدر وانت تكول للي تحبه احبك وبداخله كلامك الي كلته عن الحب بهذه الحاله ما الها اي نفع كلمة الحب الي وجهته

تحياتي

السلام عليكم
اسف علتأخير لم اعرف ان ثمت سؤال ينتضرني
اخت زهره اني ماحجيت هيج حتى توصلج فكرة انو هذا الشي عندي بلتحديد بلعكس
يجوز اني اكبر منج سننآ ويجوز اكثر منج خبره
ماواحد حب اذا ماحاطط خمسه سبير وماواحد حجه ويه بنيه وكان هدفه الرئيسي الأرتباط اله مارحمه ربي
هذا بلنسبه للولد
اما البنات هم اهون حال من الشبب ولاكن
البنت واكو نسبه من البنات والله اتحب منكل عقلها وتشبث بحبها بشكل كبير ومثير
بل وتقاتل قتال اشدضراوه من حرب ايران من موده بس ؟؟؟؟؟
لمن يتقدملها واحد بي ميزات تعجبها تتردد شوي بس اهلها يقنعوها بكم كلمه توافق بس تضل تحن الحبه
بس النتيجه شنو لاشيئ
بس اكو نسبه منهم حاطتلها فد تلاثه اربعه احتياط
اذا ماخطبني زيد راح يخطبني قلان واذازيد ماوافقو اهله
فلان يجوز هله يوافقون واذا زيد ماكمل دراسه قلان يجوز يتوضف
ولمن تحجي وياه هلو حبيبي ماعندي غيرك وبس انت بحياتي
مااعيش من دونك
ولمن يروح دطير مامخلي وحده ومامصادقا هسا
واني اتحدى الي يكول نسبة الحب الناجح كبيره
ولاتصدكون هذا لكلام ابتداع مني لاولي خلقني كله حقيقي وشايفه وسامعه مئات المرات
والله ياأخوان بوقتنا الحالي الي يدور يحب من صدك راح يشتري النفسه العذاب ولاهات والضياع
ولأشد فتكآ هوا ضياع لأيام وهدر الوقت وضع المشاعر بغير محلها
لأن صعب تلاكي واحد يتوافق مع متطلباتك وفق الشروط المطوبه وضن حدود قياسيه
يجوز مو كل الناس مثلي بس لأغلبيه صار عندها هذا الشي وتحدى احد يكول لا
ماضل احد يعرف جوهر الحب الصادق المفعم بلأخلاص الا مارحم ربي
واني اتمنا يكون موجود هذا الشي
ومن مود سؤالج اني بلوقت لحالي مااحب واذا احب مااكول كلام الي يرضي ضميري ويعبر عن صدق مساعري وحسن نواياي
لأن بعد مااتسرع واهدر مشاعري لان مشاعري مو رخيصه وثمنها قلبي الي كاتم على انفاسي
ولمهم انو احكم عقلي قبل قلبي لان اذا المشاعر بدون عقل فتكون طائشه لاملاذ لها من الهوا
بس مع تطور حياتنا والوسيله يتطور الحب ويزداد طراوه
لاتصدكون جرح
الحبيب يشفى ابد
والله والله انه لاأمر عسير وله واقع مدمي وعذابه عسير وذكرياته مريره
ولاكن من ينجو وينجح كانت له ثمارآ رطبه عروقها فلأرض وطلعها شامخ في السماء
والجانب لاخر لأهل
والله ان نسبه كبيره من فشل الحب وعدم الأرتباط هوا الاهل
ان من يصعب امور الزواج في زماننا هذا هوا الاهل وذالك بعتباراتآ ماانزل الله بها من سلطان
هي الوضيفه الشهاده العائله العمل النسب مااشبه هذا ونسو الدين ولاخلاق
والمهم عندهم المال ونسو بنتهم ومايعلمون ان مدبر هذه الامور هوا الله
البنت لولا الحياء لنادت لأبيها منذ حلولها 14 زوجني ياابتي وهم لأن يكسروها عندهم حتى بلوغها الثلاثين
قد اثقلت عليكم ولاكن افرغت مافي جوفي من نيرن ملتهبه
لااعرف ان في الحب راحتآ تذكر اخبروني ان كنتم قد عرفتموها قط

راح اسئل سؤال اني شو الاخ حيدر مامنزل سؤال
شنو تدرس او تدرسين؟

أنــي كولشي ماادرس حمدلله

نفس السؤال للبعدي
شنو تدرس او تدرسين؟

ادرس تربيه
الي بعدي
شكد عمرك؟

راح اجاوب علسؤالين
ادرس هندسه تقنيه بجامعة الموصل وبلعيد راح اسافر الحك الدورالثاني
ولعمر ان شالله واحد عشره عيد ميلادي اقبط الخمسه والعشرين
كل سنه انسه اليوم الي جيت بي ممكن احد يذكرني هههههههه
الي بعدي
شنو تدرس \تدرسين

الرمادي
اداره واقتصاد

وين السؤال عيني
يلا اني راح اسئل
الي بعدي
وين ساكن؟

ساكن راح يشتري جبس علمود يتحرك شويه

الي بعدي

كم ساعه نمت اليوم

ههههههههههههههههههههههه
لو كايل جان وصيته على واحد

هههههههههههههه حبذا لو تقلب السؤال وتكول كم ساعه كعدت اليوم

الي بعدى
لونك المفضل

احمر وردي اخضر
الي بعدي
تحب تلبس ملابس ضيقه

لا طبعا
الي بعدي
تحب العراق ؟

طبعاً
الي بعدي
انت\ي فضولي\ه

كلش
الي بعدي
شنو تكره بصفاتك؟

طيبة قلبي الزايده
الي بعدى
تزعل بسرعه