موقف طريف في حياتك

والله اني دائما اخاف المواقف المحرجه اللي تخليني انحرج گدام الناس
بس سبحان الله اكثر المرات الانسان من يخاف من شي يضل ملاحگه
هذا الشي اللي يخاف منه

اكثر هاي المواقف اللي مريت بيها طبعا بالكليه لانو دائما اخاف لا اوگع
بموقف محرج اهناك لانو عددنا كثير يعني لو كل واحد يكشر مو يضحك
يفضحون الامه واني من النوع اللي عندي خجل مو طبيعي وما اكدر
اتلافه هاي المواقف (( عموما سويتها قصه اني بس لا تضوجون ))

اني اكره ادخل وره الاستاذ للقسم لانو يكونون الطلاب والطالبات
على الاغلب موجودين كلهم ولمن واحد يدخل متاخر تكون الانضار كلها موجهه عليه
فيوم من الايام اجيت متاخر عن المحاضره وكل الطلاب والطالبات موجودين
فلمن دخلت كلها باوعت منتضريني اسلم اني انحرجت حيل فاكيد بعد ما اجمع
فبدل ما اكول السلام عليكم كلت (( السلام عسليكم )) فصار الضحك مو لحد
تمنيت عايد السادس ولا صاير بيه هالموقف (( لا عاد مو لهالدرجه هع ))
هاي من اهم المواقف المحرجه بحياتي

والله موقف مضحك هييييييييييييييييييييييييييييييييييييييييهااااااااااااااااااااااااااااااااااااااااااااااااايييييييييييييييييييي خطية لو عايد السادس جان اني ارتاحيت ولحكتك وصرت احسن منك بالانكليزي