اعتذار للجميع

السلام عليكم ورحمة الله وبركاته

وصلتني رساله من احد الاعضاء بخصوص مشاركاته ومساهماته في المنتدى تكون للضحك وللسخريه وانا من جعلت من هذه المواضيع للضحك وللسخريه ولا اعلم من اين اتى هذا الاتهام واين المساهمات التي انا اعطيت فيها رد استهزاء او اي معنى من هذا القبيل

ما قمت بانشاء هذا المنتدى للسخريه وللاستهزاء ولاستغلاله باشياء تضر باعضائه وما كان همي الا لتكوين مجموعه جميله من الاخوه يتحابون كاخوه في هذا المنتدى بالدرجه الاولى وان تعم الفائده للجميع والاستفاده من معلومات الجميع بكل ما يقدموه

وانا اقدم اعتذاري امام الجميع لهذا العضو وارجو منه ان يتقبله مني لاي سوء تفاهم فهمه مني او سمعه من احد الاعضاء هذا الاعتذار لشخص مجهول لاداعي لذكر اسمه

وجود جميع الاعضاء في تكملة بناء هذا المنتدى هو الاساس للتقدم

وجودي بينكم سيكون بالمساعده لاي شيء تطلبونه مني وانا ساقوم بتطوير المنتدى بشكل دائم ومستمر اما بخصوص مساهماتي في المنتدى ستكون متوقفه لا امتلك من هذا المنتدى سوى انشاء قاعدته انتم وبايديكم ومساهماتكم من اوصل المنتدى لهذه المرحله يكفيني فخرا ان اكون بينكم
سابقى بادرة المنتدى الاداره العامه وساكون موجود لاي استفسار او اي مساعده

ختاما اقدم اعتذاري للجميع اذا كنت يوما اسئت في حق احد الاعضاء او كان ردي لموضوعه لا يليق بالمستوى المطلوب

تحياتي لكم بقضاء امتع الاوقات وان تنتفعو باحسن ما يقدم في هذا المنتدى

اخوكم بهاء

لا يا اخ بهاء يا مديرنا ان اقف ضد كل واحد يقول ان ردودك تشير الى الاستهزاء و الضحك واريد من العضو اللي يدزلك هيج رسالة ان يقدم ردودك باقتباسات و يخليه بموضوع اذا كان صحيح و لو انه من المستحيل ان تكون ردودك هيج و اريد منك اخوية بهاء العزيز ان لا تترك المنتدى لان لا فائدة لمنتدى بدون مدير و اتمنى من كل قلبي ان تكون رسالتي سبب لان تكون بيننا لان المنتدى للجميع و ليس لاحد يا اخوية

تقبل فائق احترامي و تقديري لمدير محترم و ذو اخلاق عالية

المبرمج الاسمر

ما اصدك انو انت يكون ردك بي اي سخريه او استهزاء الاي موضوع بالمنتدى وما اتصور انت تسويها
والمنتدى من غيرك مايسوى شي مثل البحر الي مابي مي والي يكول انت ردودك بيها استهزاء فهو ميعرف يقره

السلام عليكم
بالبدايه طبعا اني كلش مستغرب من رسالة هذا الشخص المجهول للاخ بهاء
مع العلم اقولها وبدون اي مجامله انو دائما ردود الاخ بهاء معروفه ببساطتها
من حيث القله في الرد وتركيزها على تشجيع العضو على التواصل وبذل
كل ما لديه من جهد في سبيل الرقي بهذا المنتدى وجعله منتدى يستقطب
كثيرا من الشباب واخواتنا البنات وما اتصور كانت اي من ردود الاخ بهاء تمت بصله
الى السخريه او الاستهزاء فاتصور انو احنه والاخ بهاء اكبر من انو نستهزء او نسخر
من شخص جاي لخدمة هذا المنتدى والاستفاده مما فيه من مواضيع

الشي اللخ صحيح احنه الاعضاء بطبيعتنا دائما نحب ننتقد بعضنا او ننتقد مواضيع الاخرين
بالاخص في مواضيع التحشيش والنكات لانو هذا الشي طبيعي لانو هاي المواضيع
تتطلب منا الضحك والانتقاد بس هذا الشي بحدود المعقول وبحدود الاحترام بيناتنا
اصلا بالعكس هذا الشي دا يقوي الروابط بيناتنا وصرنا اكثر من اخوه بهذا المنتدى
والدليل على كلامي اكثر المواضيع يوصل ردودها الى شي خرافي
طبعا هاي الردود على الاغلب متكس طبيعة الموضوع بس يكود هناك ضحك وفرفشه
بين الااعضاء واخذ ورد وجدال بيناتهم بس بحدود الاخوه والاحترام المتبادل بيناتنا

عموما خلاصة ردي انو اتصور الاخ بهاء اكبر من هذا الشي واتصور هم منطقي
جدا مرات ردو\نا تكون بيها ضحك او سخريه والا كان المنتدى كئيب جدا وممل
والاخ بهاء دائما متعاون ويانا وملبي كل طلباتنا وجزاه الله الف خير
واتمناله التواصل ويانا وان يكون دائما بيناتنا
ودمتم بود

اني بالنسبة الية انصدمت بهذا الكلام لان اني اعرف بهاء واعرف شنو اسلوبة وماكو هيج شي يطلع من بهاء يعني السخرية بس الي يطلع الكلام الي مو صحيح ويلفق الاتهامات هوة وربة ينجاز بهاء لخاطر الاعضاء الي يحبوك ويحترموك ويريدوك دائما يمهم وتساعدهم تراجع عن هيج قرار الله يخليك

تقبل مني هذا الرد البسيط وياريت تتراجع

مستحيل يصير هذا الشئ اخ بهاء وانت لا تنقهر وانعارضك بأن تبتعد عن المنتدى وما اتشاركنه
لو مو انت ما جنة احنا هنا والتقينا بأ احلى اخوان
ياريت يا بهاء ما تنقهر وترجع ويانا

شوف يا عيني يا بهاء كل الاعضاء اللي ردوا على اعتذارك يريدوك و متاكدين انه ماكو هيج كلام بادر منك فيا اخي اترك اللي ارسالك هاي الرسالة و ارجع معانا ماشي

تحياتي

السلام عليكم ورحمة الله وبركاته

في بداية كلامي انا لا اصدق هذا الشي ابدا على العكس من ذلك فالردود يا اخ بهاء ويا مديرنا العزير بغاية الاحترام والتقدير ولو لا وجودك طبعا بالمنتدى احنة على شنو ندخل مع فائق احترامي للاخوة المشتركين فانا اقول لك انتة الشمعة الي منورة المنتدى فبدون شمعة المنتدى راح يصير مو حلو وراح يصير اظلم فا انا اقترح فكرة على المشتركين بان نسوي اعتصام محد يسوي مشاركة الى ان يرجع يدخل مديرنا العزيز بالمشاركات ونكول الى الذي بعث الرسالة المجهولة الهوية انت ياخ متوهم بهذا الاتهام وراجع الردود الي كاتبهة الك الاخ بهاء فلا يوجد شي من هذا القبيل ولاداعي لخلق الفتن والاتهامات الباطلة
اصلا ما كو احلى من هذا المنتدى

اعتذار للجميع Wg39

السلام عليكم اني استغرب بشدة على استبعاد المديروالاستاذ بهاء وعلى الرسالة الي وصلت خصوصي الة اتمني الي دزهة الرسالة ايكون غلطان ويرجع يعتذر للمدير العزيز واني ما اتوقع يوم من الايام جرح اي عضو بالعكس محترمنة واحنة محترمي واتمنا استاذ بهاء يرجع للمنتدى باسرع وقت حتى اينور المنتدى ونرجع كلنة للمنتدى بنات وشباب ماكو فرق بيناتنة ونكون ايد وحدة ونكمل المنتدى ويكون ارقى شي على الساحات باكملهة استاذ بهاء انتة دتتدلل علينة حتي لنسجنك بالعب هااااااااا يالله ارجع النة لخاطر المنتدى والاعضاء يا نور المنتدى

السلام عليكم
هاي شصاير هنا ليش
صحيح اني ما تواجدت بكثره هنا بس ما يوم شفت رد من مديرنا الغالي بهذا المنعنى
هذا الشي ما لازم يصير لازم انت تكون بيناتنه وعلى طول مهما صار
تحياتي الك يا اروع مدير احنا ننتضرك ويانا باقرب وقت
اختك
الاماني

اهدي لمديرنا العزيز هذه الكلمات

عظمة عقلك تخلق لك الحساد ....... وعظمة قلبك تخلق لك الاصدقاء