مجموه من الامثال الشعبيه

[size=16]الي في الجدر يطلعه الملاس

لاتسرف ولو من البحر تغرف

عقرب رمل تلدغ من تحت لين تحت

خذ علوم الدار من يهالها

الفقير محسود على موتة الجمعه

اربط صبعك والكل بينعت لك دوا

يرح السيف يبرا ويرح الكلام ما يبرا

قالو تيس قال إحلبوه

ناصحكم يا بدو في النار

الخال خلي والعم ولي

طبعي طبعي ولو انقص صبعي

يود مالك ولا تتهم يارك

ما يعرف كوعه من بوعه

مال البخيل ياكله العيار

خذ الزين ولو غالي

يود مينونك لاييك أين عنه

جديم الصوف ولا يديد البريسم

حشر مع الناس عيد

حلاة الثوب رقعته منه وفيه

اللي ما يدانيك يخرب معانيك

كل ما قطعنا سيح يانا وادي

زهب الدوا قبل الفلعه

شنيوب غرق يمل

شهر مالك فيه معاش لا تعد ايامه

السمجه الخايسه تخيس السمج كله

إذا إنت أمير وأنا أمير من يقود الحمير

الصوت صوت ياعد والحيل حيل ياعده

الهم هم العرس والويع ويع الضرس

لقمة خبيصه وفيها تنغيصه

لو فيه خير ما عافه الطير

العود اللي ما يلين ينكسر

اللي ما يعرفك ما يثمنك

تاكل عند ريلها وتدعي لمطلقها

العيب بلا ومن عايب ابتلا

ما بعد العود قعود
[/size]

اقول هل الكل يتبع الامثال ام مجرد اقوال

السلام عليكم ..
بالبدايه شكرا لمرورك الرائع
اما بخصوص سؤالك
اعتقد الامثال محل تصديق عند كثير من الناس
والدليل على كلامي انو يستشهد بيها في اغلب المواقف
والكثير من كبارنا وللاسف يحفض من الامثال
ما يفوق حفضه للاحاديث النبويه وآيات القرآن الكريم
دمت بود